Dúas modalidades: unha porcentaxe do neto de cada reserva con todo incluído, ou unha cota mensual por módulos. Aquí tes o prezo de cada módulo e unha calculadora para comparar as dúas cos teus números.
A porcentaxe inclúeo todo. A cota por módulos deixa que pagues só o que usas. O mínimo mensual e a posta en marcha son iguais nas dúas.
Todo incluído, e cun máximo anual garantido que coñeces antes de asinar: a calculadora ensínacho. Mínimo de 150 €/mes.
Escolles do menú de abaixo e pagas só os módulos que actives, por unidade reservable. Con desconto por volume: ata o 80% a partir da unidade 101. O mesmo mínimo de 150 €/mes.
Todos os prezos, sen IVE. Posta en marcha: 595 € unha soa vez, que se che devolven en 12 mensualidades a partir da túa factura nº 4.
Non tes web? Web básica co motor de reservas e captura de leads para a túa newsletter: 300 € unha soa vez + 10 €/mes de hosting, con mantemento e cambios menores incluídos. Blog con editor: 9,95 €/mes. Deseños á medida ou cambios maiores, con orzamento.
As túas unidades reservables, o teu prezo por noite, a túa ocupación e os módulos que queiras: as dúas modalidades, en cifras, unha a carón da outra.
O desconto vai por tramos: cada unidade paga o do seu tramo. Con 30 unidades, as 10 primeiras van a prezo pleno, as 15 seguintes co 20% e as 5 últimas co 40%.
O teu máximo anual con estas unidades: — i
Con estes números o porcentaxe é máis interesante: aforras Con estes números a cota por módulos é máis interesante: aforras Con estes números as dúas modalidades quedan practicamente igual.
Estimación orientativa, sen IVE. A cota real sae das túas reservas reais, e vela reserva a reserva na túa factura.
Un portal queda co 15% de cada reserva e unha xestora, co 20% dos teus ingresos. E montar por pezas unha parte do que leva OKmystay, con prezos públicos do mercado, custa isto para as túas unidades:
E na cesta por pezas faltan aínda a limpeza, o control horario, as incidencias, a tenda, as actividades, os cobros, o panel do propietario e a axenda. Cifras: prezos públicos de mercado, xullo de 2026, plans de entrada coa función equivalente. Compróbaos.
Na porcentaxe cobramos sobre o que ingresas, así que convennos que ingreses máis. Se o teu ano vai mal, notámolo tamén; se vai ben, gañamos os dous. Esa é toda a teoría.
Cada módulo ten o seu prezo publicado e a calculadora ensínache a comparación completa, tamén cando non nos favorece. Ti fas a conta; nós aguantámola.
Podes marchar cando queiras. Reterte cun contrato sería admitir que o produto, por si só, non abonda.
Se a túa factura do mes queda por debaixo de 150 €, complétase cun concepto chamado «mínimo mensual». Unha factura de 129 € leva un mínimo de 21 €. Velo detallado, non agochado na cota. O bot de WhatsApp queda fóra deste recheo: a súa liña vai sempre á parte.
A posta en marcha son 595 €: a alta en OKmystay con asistencia completa (empresa, aloxamentos e conexión con Booking, Airbnb e Expedia). E devólvenseche enteiros: a partir da túa factura mensual nº 4, cada unha leva un desconto de 49,58 € durante 12 meses — tamén se a túa factura é o mínimo (eses meses pagas 100,42 €). Se causas baixa antes da factura 15, os aboamentos pendentes pérdense. Se quedas, a posta en marcha saeche gratis.
Tres, e os tres á vista. O seu prezo de menú (14,95 €/unidade ao mes; na modalidade de porcentaxe vai incluído), cunha particularidade: o bot factúrase sempre á parte do mínimo xeral e a súa liña non baixa de 75 €/mes, nas dúas modalidades — a súa operación non encolle por ter poucas unidades. A súa propia posta en marcha, 495 € unha soa vez e sen devolución: establecer o prompt coa túa operativa, o ton e as probas ata que responde como ti queres. E o uso: 0,045 € por cada mensaxe que o bot envía, sexa unha resposta ao hóspede ou un aviso pola súa conta — o recordatorio do check-in, o código da porta. Ese prezo xa leva dentro a IA e a tarifa de WhatsApp; non hai máis conceptos. Todo detallado na factura.
Se xa tes web, o motor de reservas (Magnolia) vai no menú como un módulo máis, por unidade. Se non a tes, facémoscha: a web básica co motor e o formulario de newsletter custa 300 € unha soa vez e 10 €/mes de hosting; mantemento e cambios menores van incluídos. Un blog con editor no teu panel son 9,95 €/mes máis. Un deseño á medida, unha web con moitas seccións ou un cambio grande orzaméntanse á parte. Hosting e blog van fixos por empresa: non dependen de cantas unidades teñas, e cóbranse igual nas dúas modalidades.
Dous, e os dous á vista. O uso: 0,0029 € por cada email de campaña que sae (2,90 € por cada 1.000), nas dúas modalidades e fóra do mínimo. Os contactos son ilimitados e gardalos non custa nada; tampouco hai tope de envíos nin plans por volume — un mes sen campañas custa cero. E a súa propia posta en marcha, 495 € unha soa vez e sen devolución: o teu dominio de envío coas súas sinaturas, o modelo coa túa marca e a importación da túa audiencia. Os correos de confirmación de reserva non contan como campaña.
Por tramos, como o IRPF: cada unidade paga o desconto do seu tramo. As 10 primeiras van a prezo pleno, da 11ª á 25ª co 20%, da 26ª á 50ª co 40%, da 51ª á 100ª co 60% e da 101ª en diante co 80%. Así medrar nunca te penaliza.
Unha garantía en euros: a túa factura de todo un ano nunca superará o 125% do que custaría o menú completo coas túas unidades, aos prezos do teu contrato — fotográfanse ao asinar e o teu máximo non se move aínda que cambie a tarifa pública. Cada mes pagas o teu 3,25% e, se o acumulado do ano alcanza o máximo, deixamos de cobrar de máis. Sen regularizacións nin devolucións. O único que vai á parte do teito é o uso de IA do bot.
Constrúese para ti: os módulos á medida son a nosa especialidade. A obra orzaméntase igual nas dúas modalidades; a diferenza vén despois. Na modalidade de porcentaxe, o módulo construído queda incluído no teu 3,25%. Na modalidade por módulos, entra no teu menú co seu prezo por unidade e mes, coma un máis — e esa cota dámoscha xunto co orzamento, antes de construír nada.
Unha soa vez e con efecto no teu aniversario de contrato: se empezas nunha modalidade e non che encaixa, ao cumprir o ano pasas á outra. Engadir módulos pódese sempre, avisando cun mes; quitalos, avisando con tres.
Deixan de contar: só pagas as unidades activas, co reconto do día 1 de cada mes. Se non che damos servizo, non cho cobramos.
Non. Eses módulos pagan o seu prezo de menú e xa está: o que vendas con eles é teu.
A calculadora de arriba dicho cos teus números. E se nos escribes co teu caso, facémosche a conta fina coas túas reservas reais.
Escríbenos cos teus números e devolvémosche a conta fina, feita coas túas reservas reais.
mail@okmystay.com